Category: Հայերեն


 Интервью с Арменом Мкртчяном — создателем и владелцем сайта armblog.net перевод на русский.

 Այսօր մեր բլոգի հյուրն է Արմեն Մկրտչյանը` armblog.net բլոգի հիմնադիրը: Արմենի բլոգը արտառոց է նրանով, որ բավականին կարճ ժամանակում կարողացավ հասնել այնպիսի հաճախելիության, որի մասին կերազեին բազմաթիվ ռուսական և նույնիսկ ամերիկյան բլոգերներ: Հայկական բլոգերների մասին դեռ չեմ ել ասում: Եվ այդ ամենը հայկական բավականին փոքրաքանակ ինտերնետ օգտագործողների պայմաններում, իրոք լուրջ նվաճում է: Այսօր Արմենի բլոգը օրական միջինը այցելում են ավելի քան 10000 մարդ, երբեմն այդ թիվը անցնում է 15000-ից:

Քանի՞ տարեկան ես Արմեն:

25

Ե՞րբ սկսեցիր հետաքրքրվել համակարգչով և ինտերնետով:

Համակարգչով և ինտերնետով սկսեցիր հետաքրքրվել այն ժամանակ, երբ առաջին անգամ ունեցա իմ անձնական համակարգիչը:

Դա 2001 թվականն էր: Ես այդ ժամանակ սովորում էի 8-րդ դասարանում:

Ե՞րբ ես պատրաստել քո առաջին կայքը, կամ բլոգը:

Իմ առաջին կայքը պատրաստել եմ 2003 թվականին և տեղադրել Freenet-ի տիրույթում:

Այն ժամանակ ինտերնետը ճոխություն էր և քիչ հայալեզու կայքեր կային:

Միջինը օրական քանի՞ ժամ ես հատկացնում բլոգին:

Բլոգին օրական միջինը հատկացնում եմ մեկից երկու ժամ:

Չնայած լինում են նաև նախօրոք գրված գրառումներ, որոնք տեղադրում եմ շաբաթվա ընթացքում:

Ո՞րն է մեծ հաճախելիության գաղտնիքն ըստ քեզ:

Ըստ ինձ այն է, որ չեմ տեղադրում կրկնվող ու շաբլոն գրառումներ: Փորձում եմ տեղադրել այն, ինչը համարյա չկա կամ քիչ է հանդիպում հայկական ինտերնետում: Մեծ հաճախելիության գաղտնիքներից է նաև այն, որ փորձում եմ շփման մեջ լինել բոլոր այցելուների հետ և պատասխանել հարցերին ու նամակներին:

Ի՞նչ հեռանկարներ ես տեսնում հայկական ինտերնետի զարգացման համար:

Հայկական ինտերնետը վերջին տարիներին մեծ տեմպերով աճում է և կարծում եմ այստեղ կա շատ մեծ պոտենցիալ:

Պարզապես պետք է ճիշտ քաղաքականություն վարել և ճիշտ հետևություններ անել:

Ատասահմանյան ո՞ր բլոգերն են քեզ առավել դուր գալիս:

Արտասահմանյան շատ հավանած բլոգեր ու կայքեր ունեմ, սակայն չեմ կարող առանձնացնել որևէ մեկը:

Ինչպե՞ս պատրաստել հայալեզու բլոգ, որը կայցելեն օրական 10000-ից ավելի մարդիկ:

Կարծում եմ այս հարցը չունի հստակ պատասխան: Բոլորին թվում է, թե դա հեշտ գործ է, սակայն դրա հետևում թաքնված է բավականին չարչարանք և ջանք: Այստեղ իր դերն ունի բախտի գործոնը: Ես հավատում եմ իմ հաջողությանը և շնորհակալություն հայտնում Աստծուն յուրաքանչյուր հաջողության համար:

Երբևէ մտածե՞լ ես կայքերի առաջխաղացման (SEO, SMM) վճարովի ծառայություններ, կամ կոնսուլտացիաներ կազմակերպելու ուղղությամբ:

Ոչ: Երբեք չեմ մտածել, չնայած մի քանի անգամ առաջարկներ ստացել եմ:

Բայց կարծում եմ ես դեռ պատրաստ չեմ նման բաներ կազմակերպելու, քանի որ, ես կարծում եմ, որ եթե մի բան պիտի անեմ, ապա պետք է լավ անեմ:

Շնորհակալություն:

Քեզ էլ շնորհակալություն ժամանակ հատկացնելու համար:

Ուզում եմ իմ կողմից ավելացնալ, որ այո հայկական ինտերնետն ահռելի տեմպերով աճում է, և 2-3 տարի առաջ հնարավոր չէր պատկերացնել, որ հնարավոր կլինի ստեղծել հայալեզու բլոգ այդքան մեծ այցելությունների քանակով: Ասօր էլ դա գրեթե անհնար է, սակայն Արմենն ապացուցեց հակառակը: Եվ շատ հնարավոր է, որ շուտով հեռուստատեսային գովազդը զիջի իր դիրքերը ինտերնետ գովազդին:

Ռուբենյանց Տուն բիզնես կենտրոնը անվճար հեռախոսներ և կապ է տրամադրում Հայաստանում գորկործող կորպորատիվ հաճախորդներին: Ակցիան իրոք աննախադեպ է, այդ իսկ պատճառով որոշեցի դրա մասին գրել բլոգում: Ակցիայից օգտվելու համար պետք է ընդամենը Հայաստանում գործող ՍՊԸ ունենալ և ավտոմեքենաները, գույքը, կամ աշխատակիցների առողջությունը ապահովագրել Ռուբենյանց Տուն բիզնես կենտրոնում: Որքան հասկացա կարելի ե մինիմում 6 հոգի ծանոդների ավտոմեքենաները ապպա անել ՍՊԸ-ի անվան տակ և անվճար ստանալ հեռախոսներ ու անվճար խոսել փաթեթի ներսում: Ուզում եմ բերել «Ռուբենյանց Տան» կայքի գլխավոր էջի տեքստը վորպես ապացույց մանրամասների համար կարող եք այցելել www.rubenyanctun.am կամ զանգահարել 58-88-04 հեռախոսահամարով:

rubenyanctun.am կայքի գլխավոր էջի տեքստը`

Հարգելի գործընկեր,

Ռեսո Ապահովագրական ՓԲԸ — Orange Արմենիա — Ռուբենյանց Տուն
եռակողմ համաձայնագրի շնորհիվ հնարավոր է դարձել Հայաստանում գործող կորպորատիվ հաճախորդներին առաջարկել նախադեպը չունեցող ակցիա, որը գործելու է մինչև սույն թվականի դեկտեմբերի 30-ը:

Ապահովագրելով Ձեր կազմակերպության և աշխատակիցների ավտոմեքենաները, գույքը, առողջությունը Ռուբենյանց Տուն Բիզնես Կենտրոնում Դուք հնարավորություն կստանաք օգտվել անվճար բջջային կապից, ստանալ անվճար բջջային հեռախոսներ և այլ անակնկալ նվերներ:

Անհրաժեշտ է service@rubenyanctun.am հասցեով ուղարկել հավելվածը պահանջվող ծառայությունների վերաբերյալ և մեր մասնագետը 1 աշխատանքային օրվա ընթացքում կներկայացնի ճկուն և շահավետ առաջարկ Ձեր կազմակերպության համար:

Հարցերի դեպքում զանգահարել  58-88-04 հեռախոսահամարով:

Փոխշահավետ համագործակցության ակնկալիքով,

www.rubenyanctun.am

Հայաստանը զարգանում է 🙂


Powered by Armsites
[ Back to top ]